Remote Pedagogy ngsa SHS-Filipino Pagsusuri sa Most Essential Learning Competencies ngsa Filipino sa Senior High School at ang Implikasyong Pedagohikal Nito

Ang pandemiyang kinahaharap ng bansa ay nagdulot nang malawakang pagbabago sa iba’t ibang mga aspektong panlipunan. Bilang may direktang ugnayan ang lipunan at ang edukasyon, ang mapanghamong sitwasyon ng bansa ay nagbunsod din ng dagliang mga kahingian para sa sektor ng edukasyon. Kaugnay rito, ang senior high school, bilang bahagi ng Basic Education Curriculum ng bansa ay kinailangan ding lapatan ng mga pagbabago. Sinimulan ang mga pagbabagong ito sa pagsasaayos ng kurikulum. Ito ay masusing sinipat ng mga eksperto at binawasan ang mga kompetensi upang makaangkop sa remote learning na kailangang ipatupad. Bilang pag-agapay at pagtalima sa kahingiang ito, inilabas ng Kagawaran ng Edukasyon ang Most Essential Learning Competencies. Kaugnay nito, ang pag-aaral ay nakatuon sa pagsusuri sa Most Essential Learning Competencies ng/sa Filipino sa Senior High School at sa mplikasyong pedagohikal nito. Salig ang pagsusuri sa disenyong deskriptibo ng pananaliksik. Nilagom ng pag-aaral na ito ang kabuoang mukha ng pagtuturo sa bagong kadawyan sa Senior High School.

Mga Susing Salita – deskriptibong pananaliksik, kurikulum, pandemiya