Impluwensiya ng Midya sa Pag-Aaral ng Wika

Natiyak sa pag-aaral na ito ang impluwensiya ng midya sa pag-aaral ng wika sa Grade 6 sa Lungsod ng Sorsogon, taong 2018-2019. Ginamit ang deskriptibong kwalititabo-kwantitibo sa pagkuha ng datos. Random sampling ang ginamit sa pagtukoy ng kalahok. Binubuo ng 1,496 kalahok mula 1,360 sa Grade 6 at 136 na guro sa Lungsod ng Sorsogon. Ang pangunahing instrumento sa paglikom ng datos ay ang inihandang tseklist at pakikipanayam sa guro. Ginamit ang frequency count at pagraranggo sa pagkuha ng kasagutan. Natuklasan ang impluwensiya ng midya sa pag-aaral ng Wikang Filipino. Sa ponolohiya, ang Grade 6 at guro ay nalalaman ang artikulasyon sa malapatinig na pagbitiw ng letra. Sa morpolohiya, ang Grade 6 ay nakapagbabaybay ng mas maaayos; sa guro ay naiaangkop ang paggamit ng panlapi/salitang ugat. Sa sintaks, ang Grade 6 ay napapadaling maunawaan ang pangungusap, ang guro ay napapabilis ang paghatid ng mensahe. Sa semantika, ang Grade 6 ay naipapaunawa ang kahulugan, sa guro aynapapalinaw ang di kilalalang salita. Ang impluwensya ng midya sa pagkatuto ng wika ayon sa panayam sa guro ay napupukaw ang interes ng Grade 6. Ang mabuting dulot ng midya sa Wikang Filipino sa Grade 6 at guro ay natatangkilik ang sariling wika at napapadali ang pagsulat at pagbasa. Ang di-mabuting dulot sa Grade 6 ay nasasayang ang oras sa paglago ng ating wika. Sa guro ay nagagamit ang balbal na salita. Sa Ingles ng Grade 6 ay napapadaling gumamit nito, sa guro ay magagamit sa pakikipagsapalaran.

Susing-salita: impluwensiya, midya, wika, ponolohiya, morpolohiya, sintaks,